M/Weynaha Soomaaliya ayaa la wadaagay danjirayaasha dalalka Midowga Yurub u jooga Soomaaliya in howlaha..

14″ January “2023” Muqdisho

Madaxweynaha Soomaaliya ayaa la wadaagay danjirayaasha dalalka Midowga Yurub u jooga Soomaaliya hannaanka dib u xoreynta dalka si ay barbar socdaan ka mira-dhalinta himilooyinka shacabka Soomaaliyeed ay ku taamayeen muddada dheer.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo Madaxtooyada Qaranka kula kulmay Safiirka Midowga Yurub ee Soomaaliya Marwo Tina Intelman iyo qaar ka mid ah Danjireyaasha dalalka Midowga Yurub u jooga dalkeenna ayaa uga warbixiyey guulaha laga gaaray dagaalka dalka looga xoreynayo Alshabaab, dhammeystirka Dastuurka, Dimuquraadiyeynta iyo Dayn cafinta

H.E. @HassanMohamud hosted today Ambassadors from EU member states with diplomatic missions in #Somalia. H.E acknowledged their critical role in the nation's developmental journey & assured them of the govt’s commitment to enhancing strategic ties in all areas of mutual interest. pic.twitter.com/h60U8aDpue

— Villa Somalia (@TheVillaSomalia) January 14, 2023

Madaxweynaha oo Danjireyaasha la wadaagay sida geesinimada leh ee Ciidamada Qaranka oo kaashanaya shacabka Soomaaliyeed ay u xoreeyeen deeganno badan oo ka tirsan Gobollada Shabeellaha Dhexe, Hiiraan, Galguduud iyo Mudug ayaa tilmaamay in halganka dib u xoreynta dalka uu barbar socdo qorshaha dhammeystirka dhismaha hay’adaha muhiimka u ah dowladnimada iyo xaqiijinta himmilooyinka ay muddada dheer ku taamayaan shacabka Soomaaliyeed gaar ahaan qorshaha la wareegidda mas’uuliyadda amniga dalka, dhammeystirka Dastuurka, dayn cafinta, xoojinta Dimuquraadiyeynta, Federaaleynta iyo adkaynta dowladnimada.

The President of Somalia has shared with the ambassadors of the European Union countries in Somalia the process of re-liberating the country to go hand in hand with the realization of the goals that the Somali people have been longing for for a long time. pic.twitter.com/7tf6rAauvl

— Elmi Farah Boodhari (@BoodhariFarah) January 15, 2023

Dhankooda, Safiirada oo bogaadiyey howlgallada xoreynta deegannada ay ku dhuumaaleysanayaan Khawaarijtu ayaa sheegay in dowladda Federaalka Soomaaliya ay ka gacan-siinayaan arrimaha hortebinta u leh oo ay ugu horreeyaan la wareegidda amniga guud ee dalka, xoojinta federaaleynta, daadejinta hannaanka dowliga ah, saamaynta Isbaddalka cimmilada iyo Gargaarka Beni-aadannimada.