14 November-2023
Xidigga kubbadda cagta Colombia Luis Díaz ayaa dib ula midoobay aabihiis Luis Manuel Díaz oo ay fallaagada sii daayeen ka dib markii ay afduub ahaan u haysteen muddo 12 maalmood ah.
Weerar yahanka Liverpool iyo aabihiis ayaa ooyay markii ugu horeysay ee ay isku duubnaadaan kadib markii ay isku dhaceen afduubka.
Afduubkii Luis Manuel Díaz ee Ciidanka Xoreynta Qaranka (ELN) ayaa caro ka dhaliyay Colombia iyo dibaddaba.
ELN ayaa sheegtay in ay afduubteen 58-jirka iyo xaaskiisa si ay madaxfurasho uga qaataan.
Hogaamiyaha ELN ayaa afduubka macalinka caanka ah ku tilmaamay mid qalad ah balse waxa uu ku adkaystay in afduubka madaxfurasho aysan ahayn mid jabinaysa xabad joojintii ay saxiixday horaantii sanadkan.
Luis Díaz ayaa u duulay Colombia si uu tababar ula qaato xulka qaranka ka hor kulanka isreeb reebka koobka aduunka ee Brazil ay habeenka Khamiista kula ciyaari doonaan Colombia.
Laacibka ayaa seegay labo ka mid ah ciyaartii Liverpool iyadoo aabihiis ay gacanta ku hayaan mucaaradka balse wuxuu ka soo kacay kursiga keydka kulankii English Premier League ee ay la ciyaareen Luton 5tii November.
Waa maxay sababta tababaraha Real Madrid Carlo Ancelotti uu u xanaaqay ka dib markii maamulayaasha ay la kulmeen RFEF
Tababaraha kooxda Real Madrid Carlo Ancelotti ayaa ka cawday in garsoorayaasha aysan fahmin tababarayaasha kadib kulan xasaasi ah oo ka dhacay xiriirka kubada cagta Spain ee RFEF.
Ancelotti iyo dhigiisa Barcelona Xavi oo ay wehliyaan dhowr macalin oo kale oo La Liga ah ayaa goobjoog ka ahaa kulan ka dhacay xarunta RFEF. Isku soo wada duuboo kulanka ayaa ahaa mid looga hadlayay garsoorka iyo arimo kale oo ku saabsan kubada cagta Spain – waxaana ugu muhiimsan mushaar la’aan ay helaan tababarayaasha marka shaqada laga ceyriyo.
