Madaxda Hay’adaha SoDMA iyo IOM oo ka wada hadlay yareeynta khasaaraha Musiibooyinka dabiiciga ah
Guddoomiyaha Hay’adda Maareynta Musiibooyinka Soomaaliyeed Mudane Maxamuud Macallin Cabdulle, ayaa kulan looga hadlayay u diyaar-garowga ka hortagga iyo yareynta khasaaraha musiibooyinka dabiiciga la yeeshay madax ka socotay hay’aada Socdaalka Adduunka ee IOM.
Kulanka, waxaa sidoo kale lagu lafo-guray sidii loo adkeyn lahaa iskaashiga labada hay’adood, xilli labada dhinac soo bandhigeen sida ay uga go’an tahay la tacaalidda musiibooyinka, iyadoo gabagabadii kulanka la isku af-gartay sameynta guddi farsamo oo dhaqan galiya qodobbada laga hadlay.