Madaxweynaha Soomaaliya Xasan Sheekh Maxamuud ayaa wadahadallo la yeeshay Amiirka dalka Qatar Sheekh Tamiim Binu Xamad.

5″ March “2023”

Madaxweynaha dowladda Soomaaliya Xasan Sheekh Maxamuud oo ka qeyb-galaya Madasha Qaramada Midoobey ee dalalka soo koraya ayaa halkaas wadahadallo kula yeeshay Amiirka dalkaas Sheekh Tamiim Binu Xamad.

Madaxweynaha Jamhuuriyadda iyo Amiirka Qatar ayaa kulankooda ku lafa-guray aayaha xiriirka Labada dal iyo danaha wadajirka ah ee ku aaddan xasilloonida iyo horumarka Gobolka, si loo sii xoojiyo iskaashiga ka dhaxeeya Soomaaliya iyo Qatar

Amiirka Dowladda Qatar Sheekh Tamiim Binu Xamad oo Madaxweynaha iyo wafdigiisa uga mahad-celiyey ka soo qeyb-galka Madasha Qaramada ee dalalka soo koraya ayaa xusay sida ay Dowladdiisa uga go’an tahay garab istaagga dowladda Soomaaliya.

Madaxweyne Xasan iyo Amiir Tamiim ayaa isla gartay dardar-gelinta mashaariicda horumarineed ee Dowladda Qatar ay ka fulinayso Soomaaliya, iyadoo Madaxweyne Xasan Sheekh uu adkeeyey sida dowladda iyo shacabka Soomaaliyeed ay u soo dhaweynayaan cid kasta oo garab istaagaysa.

President Hassan and Amir Tamim agreed to speed up the development projects of the Qatari government in Somalia, while President Hassan Sheikh emphasized how the government and the people of Somalia welcome anyone who supports them. pic.twitter.com/Clbi8RFXRf

— Elmi Farah Boodhari (@BoodhariFarah) March 5, 2023