Madaxweyne Xasan Sheekh oo qadka taleefonka kula hadlay Madaxweynaha la doortay ee Kenya William Ruto, ayaa u hambalyeeyay

16″ Aug”2022″

Madaxweynaha Soomaaliya Xasan Sheekh Maxamuud ayaa khadka taleefonka wadahadal kula yeeshay Madaxweynaha la doortay ee dalka Kenya William Samoei Ruto, sida lagu sheegay warsaxaafadeed kasoo baxay madaxtooyada Soomaaliya.

Xasan Sheekh ayaa Ruto iyo ku-xigeenkiisa Rigathi Gachagua “ugu hambalyeeyey guusha ay ka gaareen” doorashooyinka dalkaas.

I offer my sincere congratulations to President-elect H.E @WilliamsRuto on becoming Kenya’s 5th President. My best wishes to you as you begin your tenure at @StateHouseKenya. I look forward to closely working with you to advance our partnership in all areas of mutual benefit.

— Hassan Sheikh Mohamud (@HassanSMohamud) August 15, 2022

“Madaxweynaha ayaa ku ammaanay shacabka Kenya, xisbiyada dalkaas, hay’adaha amniga iyo madaxda tartantayba, sida nabadda ah ee ay doorashooyinkoodu u qabsoomeen, taas oo tusaale u noqonaysa hannaanka dimuqraadiyadeed ee dalalka Gobolka,” ayaa lagu yiri qoraalka kasoo baxay Villa Soma;ia

“Dhankiisa, Madaxweyne William Ruto ayaa uga mahadceliyey Madaxweyne Xasan Sheekh hambalyada iyo bogaadinta guusha doorasho ee xisbigiisa, waxa uuna tilmaamay ixtiraamka iyo qaddarinta ay shacabka iyo dowladda Kenya u hayaan walaalahooda Soomaaliya.”

Sida lagu sheegay warsaxaafadeedka, labada Madaxweyne ayaa isla qaatay adkeynta xiriirka soo-jireenka ah ee ka dhaxeeya labada dal iyo iskaashiga labada dowladood ee dhinacyada horumarka, xasilloonida Mandiqadda, kobaca dhaqaalaha iyo la dagaallanka argagixisada.

The President of Somalia, Hassan Sheikh Mohamud, who spoke on the phone with the President-elect of Kenya, William Ruto, congratulated him on the success of the Kenyan presidential election, according to a press release from the Somali presidency. pic.twitter.com/Un2I231S45

— Elmi Farah Boodhari (@BoodhariFarah) August 16, 2022

Guddiga doorashaa Kenya ayaa shalay ku dhowaaqay in Ruto uu ku guuleystay doorashada, inkasta oo xubno ka mid ah guddiga ay taas ka horyimaadeen.

Dhinaciisna, Raila Odinga oo maanta shir jaraa’id ku qabtay Nairobi ayaa sheegay inuusan aqbaleyn natiijada ay guddiga shaaciyeen, isaga oo intaas ku daray inuu sharciga la tiigsan doono.