Shabakada Goal ayaa soo eegtay wararka ugu waa weeyn ee suuqa kala iibsiga iyo xanta ka soo baxysa Premier League, La Liga, Serie A iyo daafaha adduunka
Bartosz Kaputska ayaa ka tagay Leicester, isagoo ku laabanaya waddankiisii Poland si uu ugu biiro Legia Warsaw heshiis joogto ah.
Jan Vertonghen ayaa laga duubey isagoo la sheegay inuu caafimaad ku marayo Isbitaalka Benfica da Luz, SIC Noticias ayaa werisay.
Waxaa la sheegay 33 jirkan inuu si bilaash ah ugu dhaqaaqi karo kooxda kadib bixitaankiisii Tottenham, wuxuu saxiixi doonaa heshiis seddex sano ah.
Xiddiga ka qalin jabiyay akadeemiga kooxda Tottenham Luis Binks ayaa ku biiray kooxda Serie A ee Bologna isagoo ka yimid Montreal Impact.
LIVERPOOL” AYAA KALA XIRIIRTAY BAYERN SAXIIXA THIAGO*
Liverpool ayaa la xiriirtay Bayern Munich oo ku aadan Thiago, sida ay qortay jariiradda Bild.
Xiddiga qadka dhexe ayaa si xoogan loola xiriirinayay Reds isbuucyadii u danbeysay, waxaana ay umuuqataa in kooxda Jurgen Klopp inay dhab ka tahay xiisahooda.
Thiago ayaa loo arkaa inuu yahay xiddig aad loogu baahan yahay inuu ku xoojiyo qadka dhexe ee Liverpool, kaasoo xilligan u muuqda xiddigo ay ka mid yihiin Jordan Henderson, Fabinho, Naby Keita, Georginio Wijnaldum, James Milner iyo Alex Oxlade-Chamberlain.
EVERTON Ayaa u dhaqaaqday saxiixa ciyaaryahanka khadka dhexe ee kooxda Napoli Allan
Carlo Ancelotti wuxuu la shaqeynayay kubad sameeyaha Naples
Kooxda Everton ayaa doonaysa in ay la soo saxiixato xiddiga qadka dhexe ee Allan kana soo jeeda kooxda Napoli, sida laga soo xigtay Daily Express.
Xiddiga reer Brazil ayaa lala xiriirinayay inuu ka tagayo Stadio San Paolo xagaagan iyadoo tababare Gennaro Gattuso uu dib u habeyn ku sameynayo kooxdiisa, waxaana laga yaabaa inuu dib ula midoobo tababarihiisii hore ee Napoli Carlo Ancelotti oo ku sugnaa Goodison Park.
Kooxda Napoli ayaa la sheegay in ay aad u doonayso in ay iibiso 29 jirkan laakiin waxaa wali loo arkaa inta ay la egtahay lacagta Toffees ay rabto ama awoodo in ay bixiso.
Ajeti wuxuu ka tagay West Ham wuxuuna u dhaqaaqay Celtic
Weeraryahanka reer Switzerland ayaa ugu dhaqaaqay kooxda heysata horyaalka Scotland lacag aan wali la shaacin
Albian Ajeti ayaa ka soo dhaqaaqay kooxda West Ham United oo uu ugu dhaqaaqay kooxda Celtic lacag aan wali la shaacin, sida ay ogaatay kooxda Premier League ka ciyaarta.
Weeraryahanka reer Switzerland ayaa ka tagaya London Stadium ka dib hal xilli ciyaareed ah, isagoo 12 kulan u saftay kooxda Hammers.
Kooxda heysata horyaalnimada Serie A ayaa indhaha ku heysa inay u dhaqaaqdo labo halyeeye oo dheeri ah
Gonzalo Higuain iyo Sami Khedira ayaa labadoodaba loo sheegay inay ka tagi karaan kooxda Juventus xagaagan iyadoo uusan midkoodna ka ciyaarin qorshaha tababare cusub Andrea Pirlo, Goal ayaa fahamsan.
In kasta oo uu sheeganayay horyaalkii sagaalaad ee isku xiga ee Scudetto, 2019-20 waxa uu ahaa sanad si liidata loo eego heerarka sare ee Juventus hadana Pirlo wuxuu raadinayaa inuu si buuxda kooxda dib ugu habeeyo oo uu sumaddiisa kooxda u sareeyo ka hor inta uusan u noqon horyaalkii 10-aad oo toos ah 2020-21. .
Haatan Higuain iyo Khedira, oo horey ugu soo ciyaaray kooxda Juve, ayaa loo sheegay inaysan haatan u baahneyn oo ay xor u yihiin inay raadiyaan kooxo cusub oo ka fog Turin.
Xiddiga qadka dhexe ee kooxda Chelsea Danilo Pantic ayaa ku biiray kooxda reer Serbia ee FK Cukaricki amaah hal xilli ciyaareed ah oo uu ugu maqnaa ololaha 2020-21.
23-jirka reer Serbia ayaa u saxeexay Blues sanadkii 2015 laakiin wuxuu si kumeel gaar ah amaah ugu maqnaa tan iyo markii uu joogay, waxaana la soo qaatay Vitesse, Excelsior, Partizan Belgrade iyo MOL Fehervar.
Kooxda Chelsea ayaa sidoo kale xaqiijisay bixitaankii akadeemiga Jacob Maddox ee kooxda reer Portugal ee Vitoria heshiis rasmi ah.
21 jirka qadka dhexe ee Ingriiska ayaa ku guuleystay FA Youth Cup iyo UEFA Youth League waqtigiisii kooxda, waxaana uu amaah ku qaatay kooxo badan oo Ingariis ah oo ay ku jiraan kooxda Premier League ka dhisan ee Southampton xilli ciyaareedkii hore.
33 jirka qadka dhexe ee reer France ayaa ka tagay Juventus arbacadii
Kooxda Inter Miami ayaa xaqiijisay saxiixa ciyaaryahanka khadka dhexe Blaise Matuidi ka dib markii uu xiddiga reer France ka tagay kooxda Juventus.
Goal ayaa horaantii isbuucan xaqiijisay inuu 33 jirkaani heshiis la gaadhay kooxda heysata horyaalka Serie A inuu qandaraaskiisa hore ku soo gabagabeeyo – iyadoo la filayo inuu dhacayo 2021 – taasna waxa la dhigay arbacadii.
Matuidi ayaa haatan ku biiray kooxda LL franchise, isla markaana uu iska leeyahay xiddigii hore ee xulka England David Beckham, isagoo si xor ah ugu soo biiray.
Sheffield ayaa ku dhawaaqday inay la soo wareegtay Chey Dunkley.
Daafaca ayaa ku biiraya kooxda ka dib markii uu u saftay 115 kulan West Brom seddexdii xilli ciyaareed ee la soo dhaafay.
Dunkley waa saxiixii labaad ee kooxda xagaagan, isagoo horay ugu soo daray Fisayo Dele-Bashiru oo uga yimid Manchester City