14″ November “2022
Dowladda Mareykanka ayaa ku dhawaaqday inay kordhisay abaal-marin lacageed oo gaaraya 10-milyan oo doollarka Mareykanka ah ciddii keenta xog gacan ka geysata soo helista saddex hoggaamiye oo ka tirsan kooxda argagixisada ah ee Al-Shabaab.
Saddexda qof ayaa isugu jira labada hoggaamiye ee ugu sarreeya kooxda iyo muwaadin Maraykan ah oo ka mid ahaa kooxda 14-kii sano ee la soo dhaafay.
Dowladda Mareykanka ayaa ka codsanaysa muwaadiniinta Soomaaliyeed iyo kuwa gobolka in ay gacan ka geystaan baadi goobka hogaamiyayaasha Al-Shabaab Axmed Diiriye, Mahad Karatee iyo Jehad Mostafa.
Saddexdan qof ayaa lagu eedeeyay inay door ku lahaayeen dhowr weerar oo argagixiso oo ka dhacay Soomaaliya iyo Kenya.
Safiirka Mareykanka ee Soomaaliya Larry Andre, oo ka hadlayay Nairobi Isniintii, ayaa sheegay in abaal-marin cusub oo dhan 10 milyan oo dollar – oo laba jibaartay yaboohii hore — ay kaabi doonto dadaalka dowladda Soomaaliya ee lagu jabinayo kooxda argagixisada ah ee xiriirka la leh al-Qaacida.
“Maanta waxaan ku dhawaaqeynaa in la laba jibaarayo abaal-marinaha la siinayo ciddii keenta xog horseedeysa soo qabashada kuwa hoggaanka u haya Al-Shabaab… Waxaan sidoo kale ku dhawaaqeynaa barnaamij cusub oo looga gol leeyahay in lagu carqaladeeyo shabakadaha maaliyadda ee Al-Shabaab,” Andre ayaa yiri. ee istiraatijiyadda lagu dhawaaqay ee dowladda Soomaaliya
Markaa istaraatijiyadda dawladda Soomaaliya waa in lala tartamo fikradaha diineed ee beenta ah, in la daba galo dhaqaalaha iyo in la iska horkeeno furimaha dagaalka si loo xoreeyo beelaha Soomaaliyeed”.
Ciidamada dowladda Soomaaliya iyo maleeshiyaad deegaanka ah ayaa ku lug leh guluf militari oo la doonayo in Al-Shabaab looga saaro tuulooyin iyo magaalooyin badan oo dhaca bartamaha Soomaaliya.
Saraakiisha Mareykanka ayaa sheegay in qabashada madaxda Al-Shabaab ay carqaladeyn doonto howlgallada kooxda iyo ilaalinta nabadda iyo barwaaqada gobolka.
Sida laga soo xigtay mas’uuliyiinta Mareykanka, Axmed Diiriye oo loo yaqaano Abuu Cubeyda ayaa ah hoggaamiyaha ugu sarreeya Al-shabaab. Waxaa lagu arkay muuqaal muuqaal ah, isagoo la kulmaya dagaalyahano fuliyay weerarro lagu qaaday xero ciidamada Mareykanka ay ku leeyihiin degmada Lamu ee dalka Kenya, sanadkii 2020-kii.
Mahad Karate waa ku xigeenka hogaamiyaha kooxda wuxuuna leeyahay ugu yaraan qayb ka mid ah taliska Amniyaadka, garabka amniga iyo sirdoonka Al-Shabaab.
Sidoo kale waxaa liiska ku jira Jehad Mostafa oo ah macalin dhanka ciidamada ah iyo hogaamiyaha dagaalyahanada ajaanibta ah ee ka dagaalama Soomaaliya. Mostafa – oo hore u deganaa San Diego, California – wuxuu u shaqeeyaa sidii dhexdhexaadiyaha u dhexeeya al-Shabaab iyo ururada kale ee argagixisada.
Ku-xigeenka madaxa safaaradda Maraykanka ee Kenya, Marc Dillard ayaa sheegay in abaal-marintu ay khusayso macluumaadka ku saabsan dhaqdhaqaaqyada maaliyadeed ee sharci-darrada ah iyo ganacsiyada.
“Si aan u sii muujino go’aankeena ah in aan carqaladeyno oo aan baabi’no shabakadaha Al-shabaab oo aan taageerno saaxiibadeenna Kenya iyo kuwa gobolka, Maraykanku waxa uu lacag abaal-marin ah ku bixinayaa ciddii keenta xog horseedda aqoonsiga iyo carqaladaynta ilaha dakhliga ee Al-shabaab iyo ilaha dhaqaalaha,” ayuu yiri Dillard. Tan waxaa ku jira macluumaadka ku saabsan ka faa’iidaysiga al-Shabaab ee kheyraadka dabiiciga ah, deeq-bixiyeyaasha maaliyadeed iyo fududeeyayaasha iyo dhaqdhaqaaqa maaliyadeed.”
Ku dhawaaqista Isniintii ayaa noqoneysa markii ugu horeysay oo Waaxda Arrimaha Dibadda ee Mareykanka ay bixiso lacag loogu talagalay macluumaadka shabakadaha dhaqaalaha ee Al-Shabaab.
