RADIODALSAN
Maraykanka ayaa sheegay in ay duqeyn xagga cirka ah ku dileen dagaalamayaal ka tirsan Al-shabaab, war kasoo baxay taliska Ciidamada Maraykanka ee qaaradda Afrika ee loo yaqaano (AFRICOM) ayaa lagu sheegay in duqeyn ay ka fuliyeen Degaanka Daarusalam ay ku dileen xubno ka tirsan Shabaab.
War saxaafadeed kasoo baxay taliska Maraykanka ayaa lagu sheegay in duqeyntu ay ka dhacaday Gobolka Shabeellaha Hoose Isniintii aynu soo dhaafnay, waxaana intaas ay ku dareen in ay dileen ugu yaraan Lix dagaalame oo ka tirsan Al-shabaab.
Waxaa ay sheegeen Mareykanku in duqeyntaas ay ku caawinayeen Ciidanka Dowladda ee dagaalka kula jira Al-shabaab ee ka dagaaalamayay Gobolka shabeellaha Hoose.
taliska Ciidamada Maraykanka ee qaaradda Afrika ee loo yaqaano (AFRICOM) ayaa inta badan waxaa ay duqeymo ka fuliyaan Gobolada dalka, waxaana ay sheegaan in ay ku bar tilmaameedsadaan goobaha ay ku sugann yihiin Dagaalamayaasha Al-shabaab, inkastoo mararka qaar ay waxyeelo kasoo gaarto dadka shacabka ah ku sugan goobaha ay duqeynayaan.