Manchester United FC.
Ivan Perisic ayaa u muuqda bedelka Jadon Sancho ee kooxda Manchester United. Kooxda shayaadiinta cas ayaa u dhaqaaqi karta weeraryahanka reer Croatia Ivan Perisic hadii ay ka hor tagaan dadaalkooda ay ku doonayaan saxiixa Jadon Sancho, sida ay sheegayaan wararkii ugu dambeeyay ee ka soo baxaya Mirror. Kooxda Ole Gunnar Solskjaer ayaa muddo dheer lala xiriirinayay 20 jirka garabka ka ciyaara ee reer England Jadon Sancho, laakiin waxaa qiimo ka helay bedelka Borussia Dortmund, oo ay ka go’an tahay inay ilaaliso mustaqbalkooda da ‘yar.
Burnley FC.
Kooxda ka dhisan dalka Australia, Melbourne City ayaa dhameystirtay saxiixa laacib tayo leh, Aiden O’Neill oo ay kala soo wareegeen naadiga Premier League ka dhisan ee Burnley FC heshiis aan la shaacin oo ku kacaya qandaraas 3 sano ah
Galatasary FC.
Kooxda ka dhisan Turkiga, Galatasaray ayaa dhameystirtay heshiis amaah ah oo gaaraya 675,000 oo ginni oo ay la soo saxiixdeen ciyaaryahanka khadka dhexe ee tayada leh ee reer Nigeria, Oghenekaro Etebo oo ay kala soo wareegeen kooxda heerka labaad ee Ingariiska, Stoke City, iyadoo ikhtiyaar u ah inay ku iibsato 7.5 milyan ginni dhamaadka 2020/2021 campaigne
FC Porto.
Kooxda reer Portugal, FC Porto ayaa dhameystirtay saxiixa 7.5 milyan ginni ee ciyaaryahanka tayada leh, Evanilson oo ka yimid kooxda heerka seddexaad ee reer Brazil, Tombense FC.
