9″ November “2022” https://www.npr.org/
Qatar oo lagu dhaleeceeyo sida xun ee ay ugu tumato xuquuqda aadanaha iyo hab la dhaqanka shaqaalaha muhaajiriinta ah ayaa martigalinteeda koobka aduunka waxaa ka hadlay Madaxwaynihii hore ee Fifa Sepp Blatter oo sheegay in go’aankii lagu gudoonsiiyay qabashada koobka aduunka 2022 Qatar uu ahaa mid “khalad” ah.
Martigalinta Ciyaaraha Adduunka ee Qatar Waxay ahayd Doorasho Xun-Taasna aniga ayaa mas’uul ka ahaa madaxweyne ahaan xilligaas,” ayuu yiri Blatter oo sheegay inuu isagu in badan u codeeyay Mareykanka, Dheeho.com
Hogaamiyihii hore ee FIFA ayaa sheegay martigalinta Qatar ee Koobka Adduunka in ay ahayd qalad 12 sano ka hor, ka dhacay Isaga
Waa waddan aad u yar,” ayuu yiri Blatter, laakiin Qatar, oo la ogyahay record-keeda xun ee xuquuqda aadanaha iyo hab- dhaqanka aan wanaagsaneeyn ee ay kula kacdo shaqaalaha muhaajiriinta ah ayaa hadana waxay noqoneeysaa dalka ugu yar ee martigeliya ciyaaraha aduunka tan iyo tartankii 1954-kii ee Switzerland.
32-da kooxood ayaa 64-ciyaar ku ciyaari doona siddeed garoon oo ku yaalla magaalada Dooxa iyo nawaaxigeeda taas oo tan iyo sannadkii 2010-kii wax ka beddeshay mashaariic dhisme oo aad u ballaaran oo loogu diyaargaroobayo Koobka Adduunka.
Blatter, oo 86 jir ah, ayaa ahaa madaxweynaha ururka kubbadda cagta adduunka ee FIFA markii Qatar la guddoonsiiyay tartanka 2010-kii ,inkastoo sanooyinkan danbe loo daba joogo eedo musuqmaasuq
Qayb ka mid ah sheeko-yaqaanka FIFA oo guushii la filayey ee Maraykanku ku wajahay Qatar shirkii Paris ee Sarkozy lagu martigeliyey toddobaad ka hor codbixintii 2-dii December, 2010 ee guddiga fulinta FIFA ayaa mar kale indhaha caalamka u soo jeedin doonta in su,aal layska weeydiiyo qaabkii musuqnaasuqa ayaa Qatar ku heshay martagalinta ciyaaraha furmaya todobaadyada soo socda
Laacibkii weynaa ee Faransiiska Platini, oo markaas ahaa guddoomiyaha xiriirka kubbadda cagta Yurub ee UEFA, ahna guddoomiye ku xigeenka FIFA, ayaa waxaa gurigiisa rasmiga ah ku casuumay madaxweynihii gobolka ee xilligaas Sarkozy. Dhaxal sugaha Qatar, oo hadda ah Amiirka, Sheikh Tamim bin Hamad Al Thani, ayaa sidoo kale halkaas ku sugnaa.
Blatter ayaa Talaadadii ku celiyay sheegashadiisa ah in Sarkozy uu cadaadis saaray Platini, wuxuuna mar kale siiyay noociisii taleefoonka ee Platini uu u sameeyay kulankii Paris ka dib in qorshaha cod bixinta ee Koobka Adduunka uu isbedelay.
Blatter oo ka hadlayay natiijada codbixinta ee 14-8 ayaa yiri “Mahad waxaa ku mahadsan afartii cod ee Platini iyo xulkiisa (UEFA), Koobka Adduunka wuxuu aaday Qatar halkii uu Mareykanka ka ahaan lahaa.
Faallo uu siiyay wakaaladda wararka ee Associated Press sanadkii 2015, Platini waxa uu si wayn u xaqiijiyay muhiimada kulanka Paris.
Ciyaaruhu waxay bilaabanayaan Noofambar 20 iyada oo qiyaastii 1.2 milyan oo booqasho caalami ah la filayo inay yimaadaan Qatar inta lagu jiro Koobka Adduunka. Iyada oo meelo kooban lagu joogi karo dalka martida loo yahay, qaar ayaa ka soo safri doona dawladaha deriska ah.
