20″ February “2023
Madaxa guddiga Midowga Afrika ayaa xaqiijiyay in Israa’iil aan lagu casuumin shir-madaxeedka usbuuca dhamaadkii halkaasoo safiirkii Israa’iil xilka looga qaaday.
Midowga Afrika ayaa sheegay in maqaamkii kormeerayaasha Israa’iil ee ururka la hakiyay, taasina ay tahay sababta aan loogu casuumin ka qeybgalka shir madaxeedka dhammaadka todobaadka.
Warkan ayaa imanaya ka dib markii safiiradda Israa’iil Sharon Bar-li laga saaray shir-madaxeedka Midowga Afrika ee Itoobiya Sabtidii iyada oo isku dayday in ay ka qaybgasho iyada oo adeegsanaysa martiqaad aan la wareejin karin oo ay siisay oo keliya safiirka Israa’iil ee Midowga Afrika, Aleli Admasu.
Muuqaal lagu faafiyay baraha bulshada ayaa muujinayay ilaalada Bar-li oo kasoo baxaysa hoolka shirarka Midowga Afrika ee magaalada Addis Ababa ee xarunta dalka Itoobiya.
“Xaaladda waa la hakiyay ilaa iyo inta ay guddigani ka doodi karaan… sidaas darteed kuma aanan casuumin mas’uuliyiinta Israel shir madaxeedkayaga,” madaxa guddiga Midowga Afrika Moussa Faki Mahamat ayaa u sheegay suxufiyiinta Axaddii, isagoo intaas ku daray in baaritaan lagu sameynayo dhacdadii Sabtidii.
Afhayeen u hadlay wasaaradda arrimaha dibadda Israa’iil ayaa sheegay in Bar-li uu ahaa ” goobjooge la aqoonsan yahay oo wata calaamadda gelitaanka”, wuxuuna ku eedeeyay Midowga Afrika in ay afduub ahaan u haystaan ”tiro yar oo ka mid ah dawladaha xagjirka ah sida Algeria iyo Koonfur Afrika, kuwaas oo ay wadaan nacayb iyo xakameyn. Iran”.
Dhacdadan ayaa iftiimisay khilaaf ka dhex aloosan ururka Midowga Afrika ee ku saabsan go’aanka hal dhinac ee 2021 ee Mahamat uu ku siiyay Israel maqaam goobjooge ah, taasoo kicisay mudaaharaadyo dhawr waddan oo xubnaha ka ah.
Afhayeen u hadlay wasaaradda arrimaha dibadda Israa’iil ayaa sheegay in Bar-li ay ahayd ” goobjooge la aqoonsan yahay oo wadata calaamadda gelitaanka” laakiin Africa ayaa isku sigatay in uu ka dhex dilaaco Muran ku saabsan Aqoonsiga Israel ee dal
Shir madaxeedka Midowga Afrika ee sanadkii hore ayaa hakiyay dood ku saabsan in aqoonsiga lagala laabanayo Israel iyo in kale, waxaana la dhisay guddi loo xilsaaray Arrintan inay wax ka qabtaan.
Dowladda Koonfur Afrika ayaa sheegtay in go’aanka Midowga Afrika uu ku abaalmariyay Israa’iil maqaam uu ahaa gaar ah ay ahayd “mid aad u naxdin badan,iyadoo sanad gudihiis dadka dulman ee Falastiin lagu xasuuqay duqeymo burbur ah iyo sii socoshada deegaamaynta sharci darrada ah ee dhulka la heysto
Koonfur Afrika waxa ay taageertaa qadiyadda Falastiin, iyada oo xidhiidh diblomaasiyadeed oo rasmi ah la aasaasay sannadkii 1995-kii, sannad ka dib markii uu dhammaaday nidaamkii midab-takoorka. Waxay safaaradeeda Tel Aviv hoos u dhigtay xafiis xiriiriye sanadka 2019.
