June ” 1″ Tuesday “2021” Kampala
Museveni: “Doofaaro baa tihiin waana idiinka adkaan doonnaa”
Madaxweyne Yoweri Museveni ayaa ka jawaabey dhaawaca wasiirka gaadiidka iyo taliyihii hore, ee General Katumba Wamala, iyo dilka gabadhiisa.
Museveni ayaa barta twitter-ka uu ku leeyahay wuxuu ugga goodiyey kuwii geystay dilka, isagoo ku tilmaamay “doofaarro”, wuxuuna balan qaadey in laga adkaan doono.
Wuxuu u tacsiyeeyey madaxweynaha qoyska General Wamala, isagoo intaa raaciyey in isagu qudhiisa uu kula hadley taleefanka.
Wuxuu intaa ku darey Museveni in hannaanka cusub ee ilaalinta magaalada ay baabi’in doonto isticmaalka mootooyinka lagu geysto dilalka iyo danbiyada.
Wuxuu sheegay madaxweynaha in ilaalada jeneraalka aaney aheyn in xabadaha ay cirka u ridaan, balse ay wanaag sanaanayd inay si toos ah u toogtaan kuwii weerarka geystay. Waxaa soo gaarey jeneraalka dhaawac gacanta ah, wuxuuna wali ku jiraa isbitaalka
Jeneraalka ayaa waxaa weerarey niman aan la garanaynin aroortii hore ee Talaadada. Sidoo kale, darawalkii jeneraalka ayaa ku dhintey weerarka.
Afhayeenka ciidanka ayaa sheegtay in ciidamada ammaanka ay baarayaan taleefanadii uggu danbeeyey ee soo wacay jeneraalka, kuwaasoo u eg kuwo qeyb ka ah qorshaha isku dayga qaarijinta jeneraalka.
Askartu waxay ilaalinayaan isbitaalka uu ku jiro Gen Wamala dhaawacyada aan nafta halis gelin. ” Waxaa loo arkaa inuu yahay mid ka mid ah siyaasiyiinta ugu ixtiraamka badan Uganda iyo ragga militariga ah
Isku dayga noloshiisa ayaa ah mid naxdin leh in kasta oo weerarada nuucaan oo kale ah aysan naadir ahayn, weriyaha BBC-da ee Patience Atuhaire ayaa ka soo warbixisay Kampala
Ma cadda ujeedka isku dayga dilka. Ciidanka ayaa sheegaya in wicitaanada taleefanka ee lala xiriirin karo qorshaynta isku dayga dilka la baarayo.
Gen Wamala wuxuu horey u ahaa taliyaha booliska sidoo kale wuxuu horey u soo xukumi jirey ciidamada.
Xilliga weerarka Salaasada, wuxuu la socday gaari ciidan oo lagu buufiyay rasaasta dhinacyada iyo hore.
Sida lagu sheegay war ka soo baxay booliska, afar nin oo hubaysan oo watay “mootooyin wata lambarro qarsoon” ayaa gaadhiga raacay ilaa 4km (2.5 mayl) oo ka hooseeya wadada ka timaada guriga Gen Wamala ka hor intaanu rasaasta furin.
