Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 252
Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 46
27 – September-2023- AFP
Namibia ayaa hakisay digaaga laga soo dhoofiyo Koonfur Afrika ka dib markii laga baqay fiditaanka hargabka shimbiraha
Hargabka shimbiruhu caadi ahaan kuma dhaco bini’aadamka. Laakiin H5N1 ayaa si isa soo taraysa u qaadsiinaysa naasleyda adduunka oo dhan, taasoo sare u qaadaysa cabsida uu si fudud ugu gudbin karo dadka iyadoo oonfur Afrika ay ahayd goobta qaybiyaha’ digaaga oo Namibia iyo dalal kale oo Africa ahi ay doorbidaan
Namibia ayaa hakisay dhoofinta digaaga nool, shimbiraha, iyo wax soo saarka digaaga ee Koonfur Afrika ka dib markii uu ku faafay hargabka avian-ka (HPAI) ee dalka deriska ah.
Talaabadan, oo isla markiiba dhaqan gashay, ayaa waxaa kiciyay “qeylo dhaan” koror ah kiisaska “hargabka avian-ka ee aad u faafa”, afhayeenka wasaaradda beeraha Jona Musheko ayaa u sheegay AFP.
Fayrasku wuxuu caadi ahaan ku koobnaa dillaaca xilliyeedka, laakiin tan iyo 2021 kiisas ayaa soo baxay sanadka oo dhan, iyo adduunka oo dhan, taasoo keentay waxa ay khubaradu sheegeen inuu yahay dillaacii ugu weynaa ee abid la arko.
Soo saaraha Quantum Foods ayaa sheegay usbuucii hore in sanadkan ay lumisay ku dhawaad laba milyan oo digaag ah – oo qiimihiisu dhan yahay in ka badan 100 milyan rand ($5.2m) – cudurka dartiis.
SAPA waxay sheegtay in tirada kiisaska ifilada avian-ka ee Koonfur Afrika sanadkan ay ka badan tahay sannad kasta tan iyo markii ugu horeysay ee dillaacay laga soo sheegay beero ganacsi oo digaagga lagu dhaqo
Koonfur Afrika, oo ka mid ah soosaarayaasha waaweyn ee digaaga ee qaaradda, ayaa soo warisay kiisaskii ugu horreeyay ee hargabka shimbiraha ee beeraha ganacsiga bishii Abriil, sida ay sheegeen koox warshadeed.
Horaantii bishaan, Ururka Digaagga Koonfur Afrika (SAPA) ayaa sheegay in qaranku uu la tacaalayo laba nooc oo kala duwan oo fayraska ah, nooca caanka ah ee H5N1 iyo nooc cusub oo loo aqoonsaday H7N6.
“Soo dejinta iyo socodka gaadiidka” ee digaagga nool, hilibka digaaga, ukunta iyo Koonfur Afrika waa la hakiyay “ilaa ogeysiis kale” ayaa lagu yirir qoraal ka soo baxay wasaarada caafimaadka Namibia
