6″ March “2023”
Weeraryahanka Paris St-Germain Neymar ayaa qarka u saaran inuu garoomada ka maqnaado inta ka dhiman xilli ciyaareedkan, isagoo u baahan qaliin dhanka canqawga ah.
Weeraryahanka Brazil ayaa dhaawac looga saaray canqowga midig intii ay socotay ciyaartii PSG 4-3 kaga badisay Lille 19kii Febraayo.
PSG ayaa sheegtay in 31-sano jirkaan uu la kulmay dhowr “xaalad degenaansho la’aan ah oo canqowga midig ah” sanadihii la soo dhaafay, waxaana loo baahan yahay qaliin “si looga fogaado khatarta weyn ee soo noqoshada”.
Waxay ku dareen inay noqon doonto seddex ilaa afar bilood ka hor inta uusan dib u bilaabin tababarka.
Neymar ayaa dhowrkii sano ee la soo dhaafay waxaa ka soo gaaray dhaawacyo dhowr ah cagtiisa midig.
Waxa uu seegay laba ka mid ah ciyaarihii Brazil ee Koobka Adduunka 2022 ka dib markii uu ku dhaawacmay ciyaartii furitaanka group-ka ee Serbia.
Laacibkii hore ee Barcelona ayaa sidoo kale seegay Copa America 2019 ka dib markii uu ka soo gaaray seedaha jeexjeexan ee canqowga midig, waxaana uu dhowr toddobaad ku maqnaa 2021 dhaawac la mid ah.
Waxa uu u dhaliyay 13 gool Ligue 1 waxana uu ka qayb qaatay 10 kale xilli ciyaareedkan PSG.
Kooxda Christophe Galtier ayaa sideed dhibcood oo nadiif ah ku haysa hogaanka horyaalka iyagoo raadinaya horyaalkoodii 11-aad ee horyaalka France.
Waxa ay Arbacada la ciyaari doonaan kooxda reer Jarmal ee Bayern Munich lugta labaad ee wareega 16ka Champions League iyaga oo isha ku haya in ay soo rogaan guuldarro 1-0 ah oo ka soo gaartay kulankii hore.
Kulankooda ugu dambeeya ee horyaalka xilli ciyaareedkan waxa ay la ciyaarayaan Clermont 3da June iyadoo finalka Champions League la qorsheeyay inuu dhaco 10ka June.