Sunday ” 7″ NovNovember”2021 ” Muqdisho Xigasho SONNA
Hay’adda Nasad Sugidda iyo Sirdoonka Qaranka NISA ayaa gacanta ku dhigtay Shabakad maleeshiyada Alshabaab ay u diyaarisay qalqal-gelinta Amniga magaalada Baydhabo oo Xarun KMG maamulka Koonfur Galbeed Soomaaliya.
Taliyaha Nabad sugida maamulka Koonfur Galbeed Maxamuud Maxamed Xasan Shaahiyow ayaa sheegay in tirada maleeshiyada la qabtay ay gaareyso 12-ruux,islamarkaana hadda ay ku jiraan gacanta laamaha amniga, islamarkaana cadaaladdana la horkeeni doono.
Shabakadda ay Ciidamada Amniga ee NISA ay qabteen waxaa ku jiro dad qaba Baahiyaha gaarka ah, kuwaas oo ciidamadu ay baaritaan ku sameynayaan.
Soo qabashada Shabakadan dhagarta u maleegayay shacabka ayaa ku timid wada shaqeyn wanaagsan oo ka dhaxeysa laamaha amniga iyo bulshada magaalada Baydhabo iyo guud ahaan deegaanada Koonfur Galbeed.
Xigasho SONNA
