28″ Aug”2022″AFP
Paul Pogba ayaa sheegay in uu bartilmaameed u ahaa lacago baad ah iyo hanjabaad uga imaaneysay koox abaabulan.
Ciyaaryahanka khadka dhexe ee Juventus iyo France ayaa soo saaray bayaan uu u sii marinayo qareenadiisa Axadii isagoo sheegay in arinta lagu wargaliyay maamulka.
Wakaaladda wararka ee AFP oo soo xiganaysa ilo xog ogaal ah ayaa sheegtay in booliska Faransiiska ay fureen baaritaan.
Horaantii, Pogba walaalkii Mathias ayaa internetka soo dhigay muuqaallo isagoo ballanqaaday inuu daabici doono “waxyaabo waaweyn” oo ku saabsan ciyaaryahanka.
Mathias Pogba ayaa sheegay in xogta ay u badan tahay in ay tahay “wax qarxa”, isaga oo aan bixin faah faahin dheeri ah.
“Waxay u sii dheer yihiin hanjabaado iyo isku dayo baad ah oo ay koox burcad ah oo abaabulan ka dhanka ah Paul Pogba” ayaa lagu yiri bayaanka.
“Hay’adaha awooda u leh ee ku sugan Talyaaniga iyo Faransiiska ayaa lagu wargeliyay bil ka hor mana jiri doono faallooyin kale oo la xiriira baaritaanka socda.”
Laacibka Koobka Adduunka kula guuleystay France 2018, Pogba ayaa beeca xorta ah ugu dhaqaaqay Juventus xagaagan ka dib markii uu ka tagay Manchester United.
Muuqaaladiisa, Matthias Pogba wuxuu ku yiri “adduunka oo dhan, iyo sidoo kale taageerayaasha walaalkay, iyo xi犀利士 taa si ka sii badan kooxda Faransiiska iyo Juventus, saaxiibadayda walaalkay iyo kafaala-qaadayaashiisa waxay mudan yihiin inay ogaadaan waxyaabo gaar ah”.
Waxa uu sheegay in muujinta ay sidoo kale ku lug yeelan doonto wakiilka Pogba, Rafaela Pimenta.
