MAR 31, 2022″ MUQDISHO” Radiokulmiye
Guddiga Doorashooyinka heer Federaal ee FEIT ayaa lagu wadaa in saacadaha soo socda ay shaaciyaan liiska Xildhibaanada labada Aqal si xildhibaanadu u qaataan shahaadada loona dhaariyo.
Guddiga hirgalinta doorashooyinka dadban ee heer Dowlad Goboleed ee Jubbaland SEIT ayaa lagu booriyay dhamaystirka doorashada Xildhibaanada deegaan doorashada 2-Aad ee Jubbaland oo lagu wado in dhawaan la qabto.
Talaabadan ayaa imaanaysa kadib markii daqiiqado ka hor ay guddiga doorashooyinka Heer Federaal ay la kulmeen R/wasaare Rooble.
Rooble oo kulan qaatay guddiga FEIT iyo xoghayeyaasha labada Aqal ee BFS
Ra’iisul Wasaaraha Xukuumadda Soomaaliya Maxamed Xuseen Rooble ayaa la kulmay Guddoonka Guddiga Doorashooyinka Heer Federaal ee FEIT iyo xoghayeyaasha guud ee壯陽藥 Golaha Shacabka iyo Aqalka Sare ee Baarlamaanka Federaalka Soomaaliya.
Rooble ayaa waxaa uu kala hadlay masuuliyiinta qorshaha shahaaddo siinta iyo dhaarinta xildhibaannada labada aqal si waafaqsan jadwalkii guddiga FEIT horay u soo saaray.
Doorashada Xildhibaannada Golaha Shacabka, ayaa mareysa heer gebogebo ah, waxaana lagu wadaa in dhawaan ay mudaneyaasha labada aqal soo wada gaaraan magaalada Muqdisho, si loo siiyo shahaaddooyinka rasmiga ah, loona dhaariyo, ka dibna loo doorto guddoonnada labada aqal.
Guddiga Doorashooyinka Heer Federaal ayaa horey 14-ka April u asteeyay in lagu soo gebogabeeyo doorashada labada aqal iyo guddoonkooda, si loogu gudbo doorashada madaxweynaha dalka.