25- September-2023
Ra’iisul Wasaare Xamza oo khudbad u jeediyay jaaliyadda Soomaaliyeed ee ugu badan gobolka Minnesota ee dalka Mareykanka
H.E. Ra’iisul Wasaare Xamza Cabdi Barre oo khudbad dhinacyo badan taabaneysa ka jeediyay magaalada Minnesota ee dalka Mareykanka ayaa jaaliyadda ugu badan ee Soomaaliyeed ee ku nool dalka Mareykanka u jeediyay khudbad dhinacyo badan taabaneysa.
RW Barre ayaa carabka ku dhuftay guulaha ay dowladdu ka gaartay la dagaallanka Al-Shabaab, la dagaallanka musuqmaasuqa, horumarinta dib u habeynta maaliyadda, horumarinta bulshada, horumarinta amniga iyo horumarka laga gaaray hannaanka deyn cafinta.
Isagoo ku nuux-nuux saday baahida loo qabo in la taageero, ayuu Ra’iisul Wasaaruhu ugu baaqay Soomaalida Maraykanka ah inay ku taageeraan dowladda iyo shacabkeeda dagaalka socda ee dalka looga xoreynayo gacanta kooxda argagixisada ah ee Al-Shabaab.
Ra’iisul Wasaara Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa waxaa si weyn ugu dhaweeyay magaalada Minneapolis ee gobolka Minnesota, kumaankun oo Jaaliyadda Soomaaliyeed ah.
Ra’iisul Wasaare Xamsa ayaa munaasabad ballaaran oo ay qabteen Jaaliyadda Soomaaliyeed ee dalka Mareykanka, hadal uu ka jeediyay waxa uu kaga warramay xaaladda guud ee dalka gaar ahaan horumarka ay Dowladdu ku tillaabsatay ee dhinacyadfa amniga, dhaqaalaha, siyaasadda, arrimaha bulshada iyo samafalka