8″ January ” 2022″Reuters”
Duqeymo cirka ah oo ka dhacay gobolka Tigray ee dalka Itoobiya ayaa lagu dilay 56 qof 30 ay ku jiraanna waa ku dhaawacmeen xero ay ku jiraan dad barakacayaal ah, sida ay wakaaladda wararka ee Reuters u sheegeen laba ka mid ah shaqaalaha gargaarka ee wakaaladda wararka ee Reuters, iyaga oo soo xiganaya maamulka deegaanka iyo xisaabaadka goobjoogayaasha.
Afhayeenka Jabhadda Xoreynta Shacabka Tigray (TPLF) ee dagaalka kula jirta dowladda dhexe, Getachew Reda, ayaa bartiisa twitter-ka ku sheegay Sabtidii, “Weerar kale oo aan fiicneyn oo uu Drones-ka [Ra’iisul Wasaare] Abiy Axmed ku qaaday xero barakacayaal ah [dadka gudaha ku barakacay]. Dedebit waxaa ku dhintay 56 qof oo rayid ah oo aan waxba galabsan ilaa hadda.
Weerarkan oo ka dhacay magaalada Dedebit oo ku taal waqooyi-galbeed ee gobolka u dhow xudduudda uu la wadaago Eritrea, ayaa dhacay xilli dambe oo habeennimadii Jimcaha ah, sida ay sheegeen shaqaalaha gargaarka oo codsaday inaan magacyadooda la sheegin, maadaama aan fasax loo haysan inay la hadlaan warbaahinta.
Afhayeenka ciidamada Gaashaanle Sare Getnet Adane iyo afhayeenka dawlada Legesse Tulu ayaan si degdeg ah uga jawaabin codsiyo la xidhiidha arrintan. Afhayeenka ra’iisul wasaare Abiy Axmed Billene Seyoum kama aysan jawaabin codsi faallo ah.
Dawladdu waxay hore u beenisay in ay beegsatay dadka rayidka ah iskahorimaadka 14-ka bilood ah ee ay kula jiraan ciidamada fallaagada ah ee Tigrayga.
Horaantii Jimcihii, dawladdu waxa ay xabsiga ka sii deysay dhawr hoggaamiye oo mucaarad ah waxayna sheegtay in ay bilaabi doonto wadahadal ay la gasho dadka ka soo horjeeda siyaasadda si loo horumariyo dib u heshiisiin.
Labada shaqaalaha gargaarka ayaa sheegay in tirada dadka ku dhintay weerarka cirka ee Jimcihii ay xaqiijiyeen maamulka deegaanka. Samafalayaashan ayaa wakaalada wararka ee Reuters u soo diray sawiro ay ku sheegeen in ay ka qaadeen dadka dhaawaca ah ee ku jira isbitaalka oo ay ku jiraan caruur badan.
Mid ka mid ah howlwadeennada gargaarka oo booqday isbitaalka guud ee Shire Suxul oo la keenay dhaawacyada si loogu dabiibo, ayaa sheegtay in kaamka ay ku jiraan haween iyo carruur badan oo da’ ah.
“Waxay ii sheegeen in bambaanadu ay yimaadeen saqdii dhexe. Gebi ahaanba mugdi bay ahayd, wayna baxsan kari waayeen,” shaqaalaha gargaarka ayaa yidhi.
Mid ka mid ah shaqaalaha gargaarka ayaa sheegay in mid ka mid ah dadkii ku dhaawacmay weerarkii Jimcihii, Asefa Gebrehaworia, oo 75 jir ah, uu ilmeeyay isagoo ka sheekeynaya sida saaxiibkiis loo dilay. Waxaa laga daweynayay dhaawac ka soo gaaray lugtiisa bidix iyo gacanta.
Dagaalka ayaa ku qasbay Asefa inuu ka baxo gurigiisa, hadda duullaankii cirka ayaa lagu burburiyay xerada, inkastoo uu gaajo soo food saaray, ugu yaraanna wuxuu lahaa hoy, ayuu u sheegay shaqaalaha gargaarka. Wuxuu soo gaaray xerada ay ku nool yihiin dadka ka soo barakacay magaalada xudduuda ah ee Xumera.
Kahor weerarkii ugu dambeeyay, ugu yaraan 146 qof ayaa lagu dilay 213 kalena waa lagu dhaawacay duqeymo dhanka cirka ah oo ka dhacay Tigray tan iyo 18-kii October, sida ku cad dukumeenti ay diyaariyeen hay’adaha gargaarka oo lala wadaagay Reuters toddobaadkan
