17″ March “2023
Chelsea ayaa wajihi doonta kooxda heysata horyaalka ee Real Madrid wareega 8da Champions League
Pep Guardiola ayaa wajahaya kooxdiisii hore iyadoo Manchester City ay la ciyaareyso kooxda lixda jeer ku guuleysatay ee Bayern Munich
Inter Milan ayaa wajihi doonta Benfica halka kooxda heysata horyaalka Serie A ee AC Milan ay la ciyaari doonto Napoli oo haatan hogaanka heysa
Real Madrid v Chelsea
Inter Milan v Benfica
Manchester City v Bayern Munich
AC Milan v Napoli
Kooxaha Chelsea iyo Manchester City ayaa loo gacan galiyay waddooyin adag oo ay ku aadi doonaan finalka Champions League ee Istanbul.
Kooxda Graham Potter ee Chelsea ayaa dhawaanahan horumartay laakiin waxa ay si adag uga hor iman doontaa kooxda Real Madrid oo si dhib yar ku reebtay Liverpool wareega 16-ka.
Manchester City, oo raadineysa koobkeedii ugu horeysay ee Champions League, ayaa noqon doonta kooxda ugu cadcad kulanka Bayern Munich, laakiin kooxda heysata horyaalka Bundesliga ayaa taariikh qani ah ku leh tartankaan, waxaana ay soo bandhigeen qaab ciyaareedkooda iyagoo garaacay Paris St-Germain. Marna lama dhayalsan karo.
Bayern ayaa sidoo kale dib u heshay weeraryahankii hore ee Liverpool Sadio Mane, kaasoo qodax joogto ah ku ahaa City iyo tababare Pep Guardiola intii lagu jiray waayihiisa ciyaareed ee Anfield, oo ay ku jirto guushii Champions League iyo labo guuldarro oo finalkii.
Isku aadka afar dhamaadka ayaa sidoo kale la sameeyay, hadda waxaa suurtogal ah in la wada gaaro semi-finalka Ingiriiska haddii ay Chelsea iyo City soo baxaan.
Laakiin hadda Potter iyo Guardiola labaduba waxay og yihiin inay ku qasban yihiin inay u gudbaan labada kooxood ee Champions League kuwaas oo ka buuxsami doona aaminaad ah inay ka adkaan karaan kooxaha Premier League.
Man Utd ayaa la ciyaari doonta Sevilla halka West Ham ay la kulmi doonto Gent
Manchester United ayaa wareega 8da ee koobka Europa League la ciyaari doonta kooxda lixda jeer ku guulaysatay ee Sevilla.
Haddii ay soo baxaan, kooxda Erik ten Hag ayaa wajihi doonta midkood Juventus – oo kooxdeeda uu ku jiro ciyaaryahankii hore ee khadka dhexe ee United Paul Pogba – ama kooxda Arsenal ka soo badisay Sporting Lisbon semi-finalka.
Kulamada kale ee sideed dhamaadka ah, Roma ayaa wajihi doonta Feyenoord halka Bayer Leverkusen ay la kulmi doonto Union Saint-Gilloise.
West Ham waxa ay la kulmi doontaa Gent wareega 8da ee Europa Conference League.
Waxa ay noqon doontaa markii ugu horeysay oo ay kulmaan labadaan kooxood tan iyo 1964-65 koobkii ku guuleystay koobka, kaasoo ay West Ham ku badisay.
Hadii ay ka badiso kooxda ka soo horjeeda ee Belgian, West Ham ayaa wajihi doonta AZ Alkmaar ama Anderlecht semi-finalka.
Lech Poznan ayaa la ciyaari doonta Fiorentina halka Basel ay la ciyaari doonto Nice kulamada kale.
Lugta hore ee labadan tartan ayaa dhacaya 13ka April, iyadoo kulamada soo laabashada la ciyaari doono 20ka April.
Semi Final-ka ayaa la qorsheeyay in la ciyaaro 11-ka iyo 18-ka May.
Europa League
Manchester United v Sevilla
Juventus v Sporting Lisbon
Bayer Leverkusen v Union Saint-Gilloise
Feyenoord v Roma
Gent v West Ham
AZ Alkmaar v Anderlecht
Basel v Nice
