17″ December “2022
Tirada dhimashada ee Jamhuuriyadda Dimuqraadiga ah ee Congo ayaa sii kordheysa ka dib roobab mahiigaan ah iyo fatahaado xooggan oo dalkaasi ku dhuftay maalmihii la soo dhaafay.
Ugu yaraan 169 qof ayaa ku dhintay roobab khasaare badan geystay oo ka da’ay caasimadda Kinshasa, sida ay sheegtay hay’adda Qaramada Midoobay u qaabilsan arrimaha bini’aadantinimada ee OCHA iyo mas’uuliyiintu Jimcihii.
Daadadku waxa ay dhaawaceen 30 qof oo kale waxana ay burburiyeen qiyaastii 280 guri oo ku yaalla caasimadda oo ay ku nool yihiin ilaa 15 milyan oo qof, kuwaas oo ku dhawaad 38,000 oo qof oo degganaa ay saameeyeen.
Degmooyinka Mont-Ngafula iyo Ngaliema ee magaalada ayaa ahaa meelaha ugu daran ee roobabku ay ku dhufteen, sida ay saraakiishu sheegeen.
Koox isku dhaf ah oo ka socota OCHA iyo wasaaradda arrimaha bulshada ee dowladda ayaa booqday goobaha ay dhibaatadu ka dhacday Khamiistii si ay u soo indha indheeyaan khasaaraha ka dhashay. “
Maanta waxa ay dhamaanaysaa saddex maalmood oo baroor diiq qaran ah oo lagu xusayay dadkii dhintay,” OCHA ayaa bayaan ku sheegtay. “Dowladdu waxay xaqiijisay inay qabanqaabin doonto aas sharaf leh oo ammaan ah oo loo samayn doono dadkii naftooda waayey