7″ October “2022” Reuters
Wadahadallada nabadeed ee Midowga Afrika uu hoggaamiyo ee la soo jeediyay dhamaadka usbuucan si la isugu dayo in la soo afjaro colaadda laba sano ka socotay waqooyiga gobolka Tigray ee Itoobiya ayaa dib u dhac ku yimid sababo saadka, laba ilo diblomaasiyadeed ayaa u sheegay wakaaladda wararka ee Reuters Jimcihii.
Dowladda Itoobiya iyo ciidamada gobolka Tigray ee iska soo horjeeda ayaa Arbacadii sheegay inay aqbaleen martiqaadka Midowga Afrika ee wadahadallada Koonfur Afrika, kaasoo noqon doona wada-xaajoodkii ugu horreeyay ee rasmi ah oo dhexmara labada d犀利士 hinac tan iyo markii uu dagaalku qarxay November 2020.
Colaadda ka taagan dalka labaad ee ugu dadka badan Afrika ayaa waxaa ku dhintay kumannaan qof oo rayid ah, waxaana xididdada loo siibay malaayiin qof.
Ilo-wareedyo dublamaasiyadeed oo codsaday inaan magacooda la adeegsan ayaa sheegay in dib-u-dhigista ay la xiriirto abaabulka saadka, isla markaana aan weli waqti cusub loo qaban.
Getachew Reda, oo ah afhayeenka xisbiga Tigray People’s Liberation Front (TPLF), oo ah xisbiga hogaaminaya dowlad deegaanka, ayaa sheegay in AU-da aysan la tashan madaxda Tigreega ka hor intaysan dirin casuumadaha.
“Ma filaysid oo kaliya in dadku ay soo baxaan taariikh gaar ah sida haddii tani ay tahay nooc ka mid ah wada-xaajoodka,” ayuu ku yidhi farriin qoraal ah.