War-murtiyeed laga soo saaray shirka hormarinta amniga dalka Oo lagu soo Gabagabeeyay Dhuusamareeb

20- May-2024

Shirka hormarinta amniga dalka oo ay ka qaybgaleen wasiirrada amniga heer faderaal, heer dowlad goboleed iyo booliska labada heer.oo lagu soo gabagabeeyay caasimada Dowladgoboleedka Galmudug ee Dhuusamareeb ayaa laga soo saaray Warmurtiyeed Warbixin Dheeho.com

Wasiirka Amniga Gudaha ee Soomaaliya, mudane Cabdullaahi Sheekh Ismaaciil (Fartaag), iyo Madaxweyne ku-xigeenka Galmudug Cali Daahir Ciid, ayaa soo xiray shir wadatashi oo ka dhacay Dhuusamareeb, kaas oo diiradda lagu saaray horumarinta amniga.

Shirka, oo socday laba maalmood, ayaa lagaga hadlay mashruuca wadajirka booliiska (JPP-2), sharciga booliiska Soomaaliya, qorshaha istiraatijiyadeed ee amniga gudaha iyo bixitaanka ATMIS.

The National Security Development Conference attended by the Ministers of Security at the Federal, State and Police levels, which was concluded in Dhusamareeb, the capital of Galmudug, was released in a press release. pic.twitter.com/Fo2ShYgHcd

— Elmi Farah Boodhari (@BoodhariFarah) May 20, 2024

Shirkan waxaa kale oo ka hadlay Taliye ku-xigeenka Booliiska Soomaaliyeed iyo Wasiirrada amniga dowlad goboleedyada, kuwaas oo soo bandhigay fursadaha iyo iskaashiga lagu xaqiijinayo amniga dalka.

Madaxweyne ku-xigeenka Galmudug, Cali Daahir Ciid, ayaa sidoo kale bogaadiyay guusha shirka, isagoo xusay in Galmudug ay tahay goob muhiim u ah dagaalka ka dhanka ah kooxaha khawaarijta.

Wasiir Cabdullaahi Sheekh Ismaaciil ayaa sheegay in shirkan uu muhiim u yahay amniga dalka iyo nabadgelyada Soomaaliya.