31″ Aug”2022″ Muqdisho
Wasiirka Wasaaradda Awqaafta iyo Arrramaha Diinta oo Xarunta Wasaaradda kusoo dhaweeyay Guddiga Garsoorka, Awqaafta iyo Arramaha Diinta ee Golaha Shacabka BFS.
Wasiir Sh. Mukhtar Roobow Cali oo ay wehliyaan Wasiir ku xigeenka Wasaaradda Mudane Xildh. Saalax Shariif Sayid Cali iyo Lataliye Sare Maxamed Kheyrow Aadan ayaa Guddiga warbixin ka siiyay howlaha baaxada leh ee Wasaaradda horyaala iyo qorshaha isbedel ee ay qorsheynayaan in ay ku gaaraan Howlaha Hortabinta u leh Wasaaradda.
Wasiirka ayaa ku dheeraaday ka warbixinta muhiimada ay Wasaaraddan u leedahay Qaranka, isagoo ka codsaday Guddiga in ay garab ku siiyaan suurtagelinta howlaha hortabinta u leh Wasaaradda.
Guddoomiyaha Guddiga Garsoorka, Awqaafta iyo Arr. Diinta Golaha Shacabka BFS Mudane Sh. Cali Xaji Daahir Saleeban iyo Xubnaha Guddiga ka midka ah ee ku wehliyay Koormeeka ayaa Wasiiradda uga mahadceliyay soodhaweynta ay ugu sameeyeen Xarunta Wasaaradda.
Guddoomiyaha Guddiga ayaa ku amaanay Wasiiradda aragtida hogaamineed ee ay ku wajaheen howlaha hortabinta u leh Wasaaradda.
Ugu dambeyn, Wasiir ku Xigeenka Wasaaradda oo ay wehliyaan xubnaha Guddiga ayaa kormeeray Waaxaha kala duwan ee Wasaaradda.