18″ February “20222 Dhuusamreeb
Xildhibaan Mahad Salaad ayaa markii saddexaad saaka ku guuleystay doorashada kursiga HOP147 ee Golaha Shacab Baarlamaanka Federaalka Soomaaliya, kadib doorasho ka dhacay magaalada Dhuusamareeb ee xarunta maamul Galmudug.
Waxaa ka tanaasushay doorashada kursigan Shamso Cabdullaahi Maxamed oo Mahad Salaad kula tartameysay doorashada kursigan, iyado qaab gacantaag ah ay ergada doorashada kursigan oo gaareysay 101 ay marii dambee ugu codeeyeen xildhibaan Mahad Salaad.
Hadal kooban oo uu jeediyay doorashada kadib ayuu ku sheegay inuu ku faraxsan yahay natiijada doorashada, isagoo u mahadceliyay ergada iyo guddiga doorashada.
Kursigan ayaa ka mid ahaa kuraasta sida weyn isha looga hayay, iyadoo laba kamid ah musharraxiinta kula loollameysay kursigan ay sheegeen in loo diiday inay ka qeyb galaan tartanka.
Wasiirkii Qorsheynta Galmudug Cabdinaasir Gelle iyo Guddoomiye ku xigeenka Gobolka Banaadir Cali Yare ayaa madaxweynaha Galmudug ku eedeeyay in uu kursigan u xiray xidlhibaan Mahad Salaad.
Madaxtooyada Galmudug kama jawaabin eedeymaha loo jeediyay madaxweyne Axmed Cabdi KaariyQoor-qoor haseyeeshee qoraal kooban oo uu soo dhigay xildhibaan mahad salaad bartiisa Facebook waxa Ku yiri. Aad ayaan ugu mahadcelinayaa bulshada caasimada Galmudug soo dhaweynta diiran ee caawa ay ii sameeyeen.
Fall,celinta laga bixiyay soo laabashada xildhibaan Mahad salaad oo markii sadaxaad loo doortay baarlamaanka Somalia ayaa qabsatay baraha bulshada
