21″ April “2022” Muqdisho
War-saxaafadeed kasoo baxay Xafiiska Xeer ilaaliyaha Guud ee Qaranka ayaa lagu sheegay in Xafiiska uu bilaabayo 26-ka bishaan April ee sanadkaan baarista heshiis sharci daro ahaa oo ay Wasaaradda Batroolka Soomaaliya la gashay Shirkad gaar loo leeyahay oo lagu magacaabo Coastline Exploration Limited.
“Hadaba xafiiska xeer ilaaliyaha Guud ee Qaranku isaga oo gudanaya waajibaadkiisa shaqo ee loo igmaday ayuu taariikh 26/4/2022 bilaabay baarista heshiiska sharci darada ahaa ee ay Wasaaradda Batroolku la gashay shirkad lagu magacaabo Coastline Exploration Limited.” Ayaa lagu yiri qoraalka kasoo baxay Xafiiska Xeer Ilaaliyaha Qaranka.
Sidoo kale, Xafiiska Xeer ilaaliyaha Guud ayaa u yeeray Wasiirka Wasaaradda Batroolka & Macdanta Soomaaliya, iyadoo warqada lagu faray Wasiir Cabdirashiid Maxamed Axmed inuu yimaado Xafiiska Xeer illaaliyaha Guud ee Qaranka Maalinta Isniinta ee taariikhdu tahay 25/4/2022-ka.
