Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya mudane Sheekh Aadan Maxamed Nuur (Madoobe) oo uu wehliyo guddoomiye Ku-xigeenka Labaad ee Golaha Shacabka Mudane Cabdullaahi Cumar Abshirow ayaa shir guddoomiyay kulanka 16-aad kalfadhiga 5-aad ee Golaha Shacabka.
Kulanka ayaa ku saabsanaa sii amba qaadidda dooda ku saabsan arrimaha Canshuuraha Iibka ,cabashada ganacsatada Soomaaliyeed iyo sida lagu xalin karo.
Xildhibaannada Golaha Shacabka ayaa aragtidooda ka dhiibtay habka Canshuurta Iibka loo qaadayo, hanaanka loo maray, cabashada ganacsatada iyo sida lagu xalin karo, ayaa waxa ay Xildhibaannada intooda badan ka sinnaayeen muhiimadu ay leedahay in muwaadiniinta Soomaaliyeed ay bixiyaan canshuurta waajibka ku ah si dowladnimadeena usii horumarto.
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya mudane Sheekh Aadan Maxamed Nuur (Madoobe) oo kulanka soo xiray ayaa sheegay in dooda ay sii socon doonto isla markaana lasii amba qadi doono kulanka kan xiga ee dhici doona maalinta Isniinta ah.